2 koppies (500ml) kookolie.
Half koppie (125ml) wit asyn
2 teelepels sout, verkieslik growwe sout.
1 eetlepel peri-peri poeier. (voeg nog ‘n eetlepel by as jy wil hê jou “exhaust” moet “wit” brand).
3 eetlepels paprika poeier.
1 eetlepel bruinsuiker.
2 lourierblare in kleiner stukkies gebreek. Verwyder die stele.
8 knoffelhuisies gesny in 6mm stukkies.

Meng hierdie konkoksie deurmekaar en laat staan die houer oop met ‘n doekie oor, in ‘n koel plek vir ‘n dag lank, sodat die oliereuk kan verdwyn. Daarna kan ‘n deksel oor geplaas word.
Laat staan so vir ‘n paar dae.
‘n Dag of twee voordat jy die sous wil opdien, plaas genoeg gesnyde heel groen en rooi rissies (met pitte) in sous en roer.
Wanneer chips pas uitgehaal word nadat dit gebak is, roer en strooi sous oor chips na smaak. Laat dit intrek in die chips.
Geniet die lekkerste chipsmaak in Suider-Afrika.
Probeer dit gerus ook oor gebraaide hoender.
Die sous kan weer gebêre word, maar die helder kleure van die rissies sal daarna verdwyn , hoewel die smaak net beter word.

Pasop tog net as jy praat terwyl jy hieraan dink of met die sous werk. Die spoeg is geneig om te spat sonder dat jy dit kan verhelp.